Александар Хацкевич нов селектор на белорусите

Фудбалската репрезентација на Белорусија која се наоѓа во иста група со Македонија во еуро-квалификациите, доби нов селектор.

Предводник на Белорусите ќе биде Александар Хацкевич. Тој на селекторската функција доаѓа на местото на Георги Кондратјев кој пред два месеца поднесе оставка. 41-годишниот Хацкевич во досегашната негова кариера работел како тренер во Динамо Минск, Витебск, Динамо Киев – младински тим, а бил селектор и на младинската репрезентација на Белорусија.

Токму Белорусија е следниот противник на Македонија во квалификациите за ЕУРО 2016. Натпреварот ќе се игра на 27 март 2015 година во Скопје.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.