Нова песна на Мики Секуловски (ВИДЕО)

Младиот пејач од Велес, Мики Секуловски, денеска ja промовира неговата нова песна „Научи да сакаш“.

– Искрено, песната ја чувавме во фиока повеќе од осум месеци, така што со продукцијата решивме дека декември е вистински месец за да ја издадеме на музичкиот пазар. Токму оваа песна ми е особено драга и ја чувствувам многу лично затоа што сум коавтор на музиката и на текстот. Сигурен сум дека синглот ќе ѝ се допадне на публиката – изјави Мики Секуловски.

Музиката и аранжманот за песната се на Зоран Алексиќ, додека текстот го напишаа заеднички со Мики Секуловски, a во продукција на „Скај ај ентертејмент“.

– Оваа песна е една од оние што, всушност, се разликуваат од останатата македонска музичка продукција. Со тоа што во нумерата е искористен примерок од Арета Френклин и нејзината „I Never Loved a Man”, песната добива блуз-нота, но сепак го задржува модерниот ритам и звук – додава Зоран Алексиќ.

Последната поесна на Мики „Друга не допира“ беше промовирана во септември со видеоспот. Секуловски во моментов е ангажиран на неговиот албум и со своите настапи во клубовите низ земјава.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.