„Македонска реч“ ја објави „Седум стравови“ од Селведин Авдиќ

Друштвото за издавачка дејност „Македонска реч“ од Скопје неодамна го објави романот „Седум стравови“ на босанскиот писател Селведин Авдиќ, во превод на Ленче Тосева.
Романот „Седум стравови“ на босанскиот писател и новинар Селведин Авдиќ (1969) беше пријатно изненадување и за кратко време (речиси истовремено) беше објавен во Босна, Хрватска и во Србија и кандидиран, и финалист, за неколку високи книжевни награди на тие простори (за наградите „Јутарњи лист“ во Загреб и „Меша Селимовиќ“ во Тузла), а потоа објавен и во Англија. Прогласен е за најдобра книга во 2010 година на манифестацијата „Зеничка пролет“.
„Седум стравови“ е одлично оценет од книжевната и од новинската критика. Веднаш по објавувањето беше многу фален дури и наречен ремек-дело – „бомба од книга, ретко четиво со извонредно градена атмосфера“, „најдобра раскажувачка проза во Босна во 2010“…
Преводот на македонски јазик на „Седум стравови“ на Селведин Авдиќ е поддржан од литературната мрежа ТРАДУКИ.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.