Митинзи на коалицијата „За подобра Македонија“ во Бутел и во Карпош

Коалицијата „За подобра Македонија“, предводена од ВМРО-ДПМНЕ, вечерва ќе одржи митинзи во општина Бутел и во општина Карпош.

Митингот во општина Бутел е со почеток од 19 часот, а на него ќе се обратат претседателот на владејачката ВМРО-ДПМНЕ, Никола Груевски, и кандидатот за градоначалник на Бутел од коалицијата „За подобра Македонија“, Петре Латиновски.

Оттаму, карванот ќе се упати кон Карпош, каде што митингот е закажан за 21 часот. Пред граѓаните на Карпош ќе зборуваат кандидатот за градоначалник, Јагнула Куновска, и премиерот Груевски.

Претходно, ВMРО-ДПМНЕ и коалицијата „За подобра Македонија“ ќе одржат мали митинзи во Зелениково со почеток од 15 часот и во Сопиште со почеток од 17 часот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.