Сите продавници во Фритаун, главниот град на Сиера Леоне, ќе бидат затворени три дена со цел да биде спречено натамошно ширење на епидемијата од ебола, соопштија локалните власти.
Мерката стапува во сила од утре и се однесува за продавниците, пазарите и уличните трговци, а исклучок ќе биде направен само за аптеките.
Пред два месеца властите во Сиера Леоне им наредија на жителите да не излегуваат три дена од своите домови, што според здравствените експерти се покажало како корисна мерка.
Според вчерашните податоци на Светската здравствена организација, бројот на заразените во Сиера Леоне набрзо ќе го надмине оној во соседна Либерија, која до овој момент е најтешко погодена земја од болеста.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
