Ливерпул го сопре Тотенхем, нов меч за Манчестер и Челси во ФА купот (видео)

 Фудбалерите на Ливерпул го победија Тотенхем со 3-2 во меч од Премиерлигата и ја сопреа серијата на гол-машината Герет Бејл, од 10 гола на последните 8 натпревари. Во натпревар од ФА купот Манчестер јунајтед и Челси одиграа нерешено 2-2 и ќе мора да одиграат нов дуел во Лондон, за да одлучат кој ќе биде полуфиналист.

Во дербито од 29. коло во Премиерлигата, со многу возбудувања и пресврти, победата им припадна на домаќините од Ливерпул.  Луис Суарес беше расположен за игра и со седмиот гол на последните четири натпревари, му донесе предност од 1-0 на Ливерпул во 21. минута. Со овој погодок, Уругваецот е прв стрелец во Англија со 21 гол.

Гостите направија пресврт преку белгискиот репрезентативец Јан Фертонхген, кој беше прецизен во 45. и 53. минута. Клучен момент беше двојниот кикс на одбраната на Тотенхем во 66. минута. Вокер погреши, а голманот Лорис ја утна топката, па Даунинг казни и израмни на 2-2. Во 82. минута повторно на сцена стапи Суарес, а над него пенал направи Асу Екото. Стивен Џерард беше прецизен за триумф од 3-2 на „црвените“ од Енфилд Роуд. Во вториот меч денеска, во Премиерлигата, Њукасл со 2-1 го победи Стоук, а и тука имаше пресврт. Волтерс од пенал му донесе предност на гостинскиот тим во 67. минута, за потоа Кабаје и Сисе со по еден гол да му донесат триумф на Њукасл. 

szólj hozzá: Liverpool vs Tottenham 2:2 MATCH HIGHLIGHTS
Паралелно со лигашките натппревари денеска во Англија се играа и мечеви од ФА купот. Во финале пред финале Манчестер јунајтед ги одмери силите со Челси. Домаќините имаа предност од 2-0 за само 11 минути, но може и да загубат. Чикарито и Руни во 5. и 11. минута погодија за убава предност на „црвените ѓаволи“, но Челси не се предаде. Азар и Рамирес во вториот дел со голови за само 10 минути израмнија на 2-2, а Челси во финишот можеше и да победи. Гостите промашија две зрели шанси, па ќе мораат да победат во нвоиот меч идната недела, ако сакаат да го бранат трофејот од лани.

szólj hozzá: Manchester United vs Chelsea 2:2 HIGHLIGHTS

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.