Манчини се врати на клупата на Интер за бод во градското дерби (видео)

Тимовите од Милано гигантите Милан и Интер вечерва го одиграа градското дерби на „Сан Сиро“ во серија А лигата. На клупата на „нероаѕурите“ се врати Роберто Манчини кој го замени Валтер Манцари кој доби отказ.
Двата тима освоија по бод бидејќи одиграа нерешено 1-1.

Милан прв поведе преку Жереми Менез кој одлично се снајде во казнетиот простор на Интер по асистенцијата на Еј Шарави во 23 минута. Интер во овој период од играта промаши колосална шанса за водство, но Икарди не ја искористи и разултатот остана 1-0 до крајот на првото полувреме.

Во вториот дел Интер тргна поофанзивно, но без некоја стоотстотна шанса. Во 60 минута Оби успеа да го израмни резултатот по грешката на Запата кој кратко ја одби топката до интеровиот играч, а овој со удар од далечина го изненади голманот на Милан Диего Лопез кој се чинеше дека може да ја скроти оваа топка.

До крајот на мечот Ел Шарави можеше да стави точка на овој меч и да и донесе на својата екипа три бода. Сам се најде очи в очи во голманот на Интер Хандановиќ но силно ја шутна топката и таа удри само во пречката и замина во голаут.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.