Зоран Ѓорѓиевски, кандидатот за градоначалник на Куманово од владејачката колација „За подобра Македонија“ на средба со жителите на населбата „Ајдучка чешма“ вети спортски терен за двете кумановски населби „Ајдучка Чешма“ и „Иго Тричковиќ“ и доизградба на улицата „300“ и „306“.
Тој има проект за модернизација на градот според кој ќе се асфалтираат улиците од витално значење за жителите од населбата, а ќе се работи и на доизградба на канализациската мрежа. Спортскиот терен ќе биде мултифункционален, а ќе го користат жителите од двете населби.
– Во програмата е предвидено и изградба и реконструкција на месни заедници во сите населби,каде што граѓаните непречено ќе имаат можност да комуницираат со локалната власт – изјави Ѓорѓиевски.
Поради потребите на жителите од овие населби, се планира и изградба на локални гробишта.
Ѓорѓиевски го посети и пазарот каде се врши продажба на секундарни производи каде најави изградба на нов зелен пазар во населбата „Гоце Делчев“, а вети и чистење на реката Кумановка, но и инвестиции на кејот по сите стандарди.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
