Боб Марли заштитно лице на марка марихуана (видео)

33 години по неговата смрт, реге иконата Боб Марли оживува како заштитно лице на марка марихуана „Мarley Natural“, која се смета за скапа марка канабис.Големиот извоз на канабис е дел од културниот извоз на Јамајка.

– Изгледа природно, татко ми да биде дел од овој разговор, вели ќерката на Боб Марли, Сиди.

Марката марихуана се развива заедно со компанијата со седиште во Вашингтон, ќе биде продавана во САД и најверојатно во други земји од следната година.

Боб Марли почина од рак на 36 годишна возраст, во мај 1981 година. Според него, марихуаната е важен дел од неговата вера и додека беше жив тој поддржуваше легализација на марихуаната. Во американските држави Колорадо и Вашингтон марихуаната за забава е легална. Во Аљаска, Орегон и округот Колумбија, најверојатно ќе биде легализирана по реформите и референдумот за поддршка на лесната дрога, спроведен во почетокот на овој месец.

Уште неколку држави ја декриминализирале тревата и дозволиле продажба на марихуаната за медицински цели. Сојузниот закон сепак ја забранува марихуаната и ја става во една категорија со хероинот и ЛСД.

Компанијата „Privateer Holdings“, со седиште во Сиетл, соработува со семејството на Марли и планира да ја продава „Marley Natural“ во форма на пакувани папки, масла или концентрат. Се очекува продажбата да започне кон крајот на 2015 година.

– Боб Марли  инсистирал на легализација на марихуаната уште пред повеќе од 50 години. Сега ние ќе му помогнеме да ја исполни каузата, вели Брендан Кенеди, извршниот директор на „Privateer“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.