Иако многу од нив се имаат пробиено во јавноста благодарејќи на музиката, глумата или модната кариера, тие станаа попознати и барани кога се омажија за познати спортисти. Ова е листата на најбогатите жени на славни фудбалери, хокеари, тенисери….
ВИКТОРИЈА БЕКАМ – 300 милиони долари
Викторија на почетокот се прослави како член на групата „Спајс грлс“ во средината на 90-тите години. Набрзо се најде во модната индустрија и стана успешна како моден дизајнер и уметник. Се омажи за фудбалерот Дејвид Бекам и секојдневно ѝ расте буџетот од модната индустрија.
ЖИЗЕЛ БУНДШЕН – 290 милиони долари
Супермоделот Жизел Бундшен, освен во манекенството, се појавува и во многу филмови. Нејзиниот буџет значајно се зголеми кога се омажи за фудбалерот Том Брејди. Иако има голема сума пари, таа се труди на многумина да им помогне во неволја и редовно уплаќа пари во хуманитарни цели.
ШАКИРА – 200 милиони долари
Шакира во светот е позната како пејачка од Латинска Америка со убаво лице. Нејзината кариера во музичкиот свет е и понатаму голема што не е за чудење дека досега има заработено 200 милиони долари. Сепак, стана уште поголема ѕвезда кога се омажи за фудбалерот Џерард Пике кој игра во Барселона. Музиката и фудбалот се големи индустрии, па може да замислите колку тие двајца заработуваат.
КЕРИ АНДЕРВУД – 100 милиони долари
Кери во јавноста стана позната по победата во американскиот „Идол“ и оттогаш снима албуми и богато заработува. Нејзиниот буџет порасна кога се омажи за хокеарот Мајк Фишер.
ХИЛАРИ ДАФ – 25 милиони долари
Хилари Даф покрај во глумата се проби и во светот на модата и музиката, што и помогна да заработи 25 милиони долари. Се омажи за професионалниот хокеар Мајк Комри и имаат едно дете.
КЛОЕ КАРДАШИЈАН – 20 милиони долари
Клои учествува во реалното шоу за Кардашијан и оттогаш е позната. Подоцна се омажи за кошаркарот Ламар Одом. Сепак, љубовта не беше идеална, па се раздвоија. Клое има поднесено документи за развод.
БРИЏЕТ ВИЛСОН – 8 милиони долари
Иако многу познати бракови не опстануваат долго заедно, тоа не е случај со Бриџет. Таа е во брак со тенисерот Пит Сампрас. Бриџет глумеше во многу филмски остварувања, а во брак се повеќе од една деценија.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
