Во првото полувреме во Скопје во рамките од Лигата на шампионите меѓу Вардар и Веспрем во преполната арена „Јане Сандански“ Веспрем води со 13-11.
Гигантот од Унгарија не подлегна на атмосферата од преполната сала во која нема место ни игла да се фрли.
Гостите одлично го започнаа натпреварот направија резултатска разлика од 3-4 гола и со смирена игра во нападот о цврста одбрана не дозволуваа резултатски приклучок. „Црвено-црните“ мака мачеа со реализацијата и Раул Гонзалес мораше рано да побара тајм-аут. Тоа вроди со плод иако третиот гол го постигнаа откако Веспрем имаше исклучено играч на две минути во 13 минута.
Во периодот од тогаш па се до 23 минута вардарци успеаја да дојдат до резултат 8-8 брагодарение на неколкуте одлични одбрани на Штербик и контрите на Дибиров и Шишкарев. До крајот на првиот дел на моменти и грубата игра на Веспрем вроди со плод избраниците на Антонио Ортега се одлепија и на полувреме заминаа со два гола разлика.
Штручниот штаб на Веспрем одлично ја прочитаа играта на Вардар и не дозволија бековите на Вардар да земат залет. Карачиќ е најзабележителен во нападот со четири гола, а првите три гола за Вардар ги постигна Дибиров од кој еден од пенал. Момир Илиќ и Кристијан Зајц кај гостите забележаа по четири погодици, а Миклер Роланд на голот седум одбрани.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
