Раниери ја заврши авантурата во Грција, на Србија не и треба Адвокат

Клаудио Раниери доби отказ и не е повеќе селектор на Грција по резилот со Фарски острови, а на пат да му се приклучи е и Дик Адвокат, холандскиот стручњак, кој ја предводи Србија.

Вчера големиот аутсајдер Фарски острови приреди сензација во Атина со победа над некогашниот европски првак со 1-0, што ги принуди Грците да му врачат отказ на Раниери. Грција е последна во Ф групата по 4 кола со само еден бод.

Блиску до заминување е и Адвокат, селекторот на Србија. Тој изјави дека сериозно размислува да понуди оставка, по дебаклот на Србите против Данска во Белград. Домаќините пред празни трибини поради казна, водеа со 1-0, но Бентнер со два гола и Кјаер со еден погодок и донесоа победа на Данска. Србија го дели последното место со Ерменија во И групата за пласман на ЕП во Франција 2016 година.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.