Тони Цетински: Специјален гостин на концертот ќе биде Жељко Јоксимовиќ (видео)

На 28 ноември во „Борис Трајковски“, најпопуларниот хрватски пејач Тони Цетински ќе го одржи својот прв солистички концерт во Скопје. Досега Цетински гостувал само на концертот на Тоше Проески и вели дека „за него е посебно чувството да дојде во Македонија, бидејќи толку убави сеќавања ме врзуваат за оваа земја.“

Концертот е во организација на План Б продукција, а како специјален гостин го најави Жељко Јоксимовиќ со кого неодамна сними нова песна, која како што рече веднаш станала хит на „Јутјуб“.

-Во хрватска сеуште не се многу воодушевени кога станува збор за соработка на српски и хрватски пејачи, но публиката регираше прекрасно и песната беше повеќе од милион пати слушната на „Јутјуб“. Потоа веќе нема назад. И медиумите го прифатија тоа на мое големо задоволство, рече Цетински на денешната средба со новинарите во Скопје на која го најави својот голем концерт на крајот на ноември.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.