По убиството на семејството на сопругата, убиецот е во бегство

Откако маж ги убил таткото, мајката и сестрата на неговата сопруга, се даде во бегство. Неофицијално тројното убиство во Кавадарци се случило околу 16 часот. Го пријавила сопругата на убиецот. Убиството, најверојатно се случило во домот на убиените.

Неофицијално се работи за четириесе годишниот Тони С. Случајот го пријавила неговата сопруга Д.С. Убиството се случило во куќата на родителите на Д.С. во Кавадарци на улицата Зелен Пазар. Тони С. со пиштол ги усмртил нејзиниот татко Илија (61), мајка и Билјана (56) и сестра и Снежана Л. (33).

По Тони С. и по пиштолот со кој пукал сѐ уште се трага. Се уште нема информации кој бил мотивот за убиството и во какви околности се случило, а неофицијално, причина се семејни проблеми.

Осомничениот за трикратното убиство и претходно бил пријавуван за семејно насилство.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.