Дерби мечот од 11 коло во англиската Премиер лига се одигра на „Енфилд Роуд“ во Ливерпул. Лидерот на табелата и најсериозен кандидат за освојување на титулата оваа сезона Челси повторно остана непоразен на дерби дуелите оваа година, но овој пат од Луверпул си заминува со цел плен. Ибраниците на Жозе Мурињо знаеја дека мораат добро да се испотат за да ги освојат трите бода.
Ливерпул рано поведе со голот на Емре Џан кој упати удар од далечина, топката го погоди Кејхил, го смени правецот и го измами Куртоа на голот.
Радоста на домаќините кратко траеше. По една мешаница пред голот на Миноље Кејхил упати удар кој Мињоле го одбрани, но топката веќе беше позади гол линијата. Главниот судија со мало закаснување доби потврда од четвртиот судија со помош на гол-технологијата дека топката ја минала замислената линија со цел нејзин обем. Доминацијата на Челси продолжи се до крајот на првиот дел, но не успеа да поведе.
Со таква игра сините од Лондон продолжија и во вториот дел. По една одлична соло акција левата страна Аспиликуета остро центрираше пред голот на Ливерпул, Мињоле кратко ја одби до Диего Коста, а овој со силе удар ја смести во мрежата.
До крајот Ливерпул се обиде да го израмни резултатот, но одбраната пред голот на Куртоа беше на висина на задачата.
Челси и по 11 кола е непоразен во домашниот шампионат со само две реми средби и 29 бода дури седум повеќе од Саутемптон кој има натпревар помалку.
Emre Can Goooal (1 0) Liverpool FC – Chelsea 08… by VideoRE
Emre Can Goooal (1 0) Liverpool FC – Chelsea 08… by VideoRE
Liverpool 1 – 2 Chelsea Costa by VideoRE
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
