Франција прифати да хоспитализира нов заболен од вирусот на ебола, кој ќе биде лекуван во воената болница Бегин во парискиот регион, соопшти француското Министерство за здравство, јави дописникот на МИА од Париз.
Пациентот е вработен во една од агенциите на ОН во Сиера Леоне, а Париз го прифаќа по барање на Светската здраствена организација. Лицето не е француски државјанин и тоа било евакуирано од Фритаун со специјален авион.
Француската медицинска сестра, која работеше за „Лекари без граници“ и беше заболена од вирусот на ебола и се лекуваше во Франција, е излечена.
Од јуни, според француските власти, во Франција досега биле регистрирани 500 случаи за заболување од ебола, од кои 18 биле најсомнителни, а тестовите за сите овие случаи се покажале негативни.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
