Градскиот дувачки оркестар денеска во 11 часот ќе одржи параден концерт со „чекорници“, движејќи се во централното градско подрачје, односно од Музејот на Град Скопје до паркот Жена борец.
Членовите на оркестарот ќе ги изведат Патриотската чекорница, Вашингтон пост марш, Трета македонска бригада, Младинска чекорница, Вардаре македонски, Огномет на слободата, Во спомен на Ваташа, За сите деца, Дикси парада и Работнички, информира прес-службата на Град Скопје.
Градскиот дувачки оркестар, кој работи под покровителство на Град Скопје, е составен од членови главно професионални музичари и од студенти на Факултетот за музичка уметност во Скопје, а нивните досегашни настапи им даваа свечена нота на речиси сите државни празници и значајни манифестации.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
