Се судрија автомобил и автобус на АД „Галеб“

На магистралниот пат Охрид- Кичево- Скопје, утрово околу 8 часот, кај Ново Село во близина на Гостивар, се случила сообраќајна незгода во која учествувало патничко моторно возило и автобус на АД „ Галеб“.

Од охридското претпријатие изјавија дека нема повредени патници во автобусот и дека е причинета само материјална штета, пренесува Охрид Њуз.

Портпаролот на СВР Охрид, Стефан Димоски информирал дека во сообраќајната незгода е повреден возачот на патничкото возило, кој е пренесен во Општата болница во Гостивар.

Во тек е увид на местото на незгодата со цел да се утврдат причините поради кои се случила. Поради наизменично пропуштање на возилата нема застој во сообраќајот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.