„Јутјуб“ би можел наскоро да почне со наплаќање на гледањето на содржините, што ги објавува во замена за отстранување на рекламите, изјави неговата директорка Сузан Војцицки.
– Посетителите на порталот во иднина би можеле да избираат меѓу рекламите или можноста да го платат гледањето на содржините – истакна Војцицки на конференција во САД.
„Јутјуб“ сега се финансира со наплаќање кратки реклами, кои посетителите на веб-сајтот мора да ги погледнат пред да го видат видеото што го барале.
– Размислувам за тоа на корисниците да им го препуштиме изборот – изјави директорката на „Јутјуб“.
Таа рече дека има корисници кои се подготвени да платат за да не ги гледаат рекламите.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
