Балотели предизвика гнев кај Роџерс по смената на дресовите со Пепе (видео)

Напаѓачот на Ливерпул, Марио Балотели уште еднаш предизвика медиумското внимание и повторно тоа беше во негативен аспект. Фудбалерот беше нападнат од медиумите на Островот за неговата одлука да го смени дресот со Пепе уште во тунелот на полувремето за време на натпреварот меѓу Ливерпул и Реал Мадрид (0:3) од Лигата на Шампионите.

Италијанецот уште еднаш не импресионира со настапите за време на дуелот, а во вториот дел на неговото место се појави Адам Лалана.

Сеуште не е јасно дали одлуката на Брендан Роџерс да го замени било заради размената на дресовите. Тренерот ја негираше оваа претпоставка, но е сосема можно и едноставно да се обидува да го притаи скандалот.

“Тоа не е нешто што се прави овде и нешто што го одбрувам“, започна Роџерс. “Ако е тоа нешто што сакаш да го направиш, напорави го по крајот на натпреварот. Ќе мора да се позанимавам со ова во четврток (денес)“.

“Промената беше тактичка. Го внесов Лалана, бидејќи имав потреба од поинтензивна игра во предните позиции, а тој се претставуваше добро на тренинзите”, изјави Роџерс.

Самиот играч исто обиде да се заштити, велејќи дека идејата за размената на дресовите на полувремето била на Пепе, а не негова.

Англиските таблоиди веќе подготвија негативни наслови за случајот, а во еден од нив беше објавен колаж, во кој со големи букви е насловот “Вистински гениј”, откако тоа се однесува за Кристијано Роналдо, а во долниот крај на страницата е друго наслов “Вистински идиот” и фотографија на Балотели, кој го разменува дресот со Пепе.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.