Пропусти на одговорните, причина за несреќата во која загина претседателот на „Тотал“

– Не се работи за трагичен сплет на околности, туку за кривично дело на одговорните лица кои не успеале да ја усогласат работата на нивните вработени – се наведува во соопштението на управата. 

Во него се додава дека некои членови на управата би можеле да се обидат да и пречат на истрагата и поради тоа ќе бидат суспендирани. 

Приватниот авион во кој беше претседателот и генерален директор на „Тотал“ во понеделникот вечер при полетувањето се судри со возило за чистење на снег. Покрај де Маржери во несреќата загинаа и тројца членови на екипажот. 

Според руските истражители, возачот на возилото за чистење снег, кој е во притвор, бил пијан во моментот на несреќата, што неговиот адвокат го негираше. 

Како можни причини за несреќата истражителите ги навеле и грешка на контролорите за летот, лошите временски услови и грешка на пилотот. 

Контролорите на летот ќе бидат испитани во врска со конзумирање алкохол и други супстанци. 

-Иако веќе имаме осомничени, очигледно е дека зад невнимателноста на директните сторители стои повисокото раководство на Аеродромот, чие делување или неделување ќе биде разгледано во текот на истрагата – се наведува во соопштението од аеродромот „Внуково“ и се додава дека не се исклучува можноста од приведување и на други лица

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.