Напаѓачот на Барселона, Луис Суарез, изјави дека најголем сон му е кариерата да ја заврши во каталонскиот клуб.
– Доколку имам можност тука да ја завршам кариерата, тоа би било совршено – изјави Суарез.
Уругваецот се кае поради инцидентот на мундијалот во Бразил кога го гризна Џорџо Кјелини, поради што е суспендиран на четири месеци.
– Чувствував дека во тие моменти си ја уништив кариерата. Се затворив во четири ѕида, размислив и побарав прошка и поради тоа се чувствував многу подобро. Потоа дојдоа контактите со Барселона и среќен сум за довербата која ми ја дадоа – вели Суарез.
Суспензијата на Суарез му завршува на 24 октомври, а два дена подоцна се игра големото Ел Класико.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
