Пет гола, четири пенали, еден црвен картон, Агуеро го потопи Тотенхем (видео)

Каков натпревар во Манчестер. Во дербито на англиската Премиер лига во рамките од осмото коло по паузата за репрезентативни настапи, Манчестер Сити беше домаќин на Тотенхем. Како и многуте натпревари досега на овие противници кои изобилуваа со голови и интересни моменти, така и денеска беа постигнати дури пет. Сити славеше со 4-1, а сите четири голови за домаќините ги постигна денеска фантастичниот Аргентинец Серхио Агуеро.
На овој натпревар беа досудени дури четири пенали од кои стрелците беа расположени да реализираат само два.
Кун Агуеро успеа да реализира два пенала, а еден промаши, додека единствениот пенал досуден за Тотенхем голманот на Сити Харт, успеа да го одбрани по ударот на Солдадо.
Сити го отвори резултатот со првиот гол на Агуеро во 13 минута по асистенција на Лампард. Водството на „граѓаните“ траеше само две минути бидејќи во 15 минута Ериксен го израмни резултатот. Првиот пенал беше досуден во 20 минута, а сигурен изведувач секако беше Агуеро. Во 32 минута главниот судија досуди уште еден пенал за Сити, но овој пат францускиот репрезентативен голман на голот на Тотенхем Уго Лорис беше поуспешен од Агуеро и успеа да ја остави својата екипа во негатива од само еден гол на полувремето.
Во вториот дел во 62 минута досуден беше пенал за Тотенхем. Солдадо го изведе и наместо да дојде до нерешен резултат од 2-2 тој не успеа да го совлада голманот на Сити ,Харт. По само шест минути Фазио го собори Агуеро во казнетиот простор и заслужено доби црвен картон и беше досуден уште еден епан. Третпат по ред АГуеро го изведе и овојпат беше успешен реализатор. До крајот на мечот аргентискиот репрезентативец беше стрелец на уште еден гол во 75 минута.
Ова беше најдобрата фудбалска партија за Агуеро откако дојде во Манчестер Сити.

All Goals – Manchester City 4-1 Tottenham – 18… by akainuxace

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.