Нова инвестиција во најава, ќе се отвора италијански инфоцентар

Сопственици на италијанската меѓународна компанија деновиве беа во посета на Македонија со цел да ги разгледаат можностите за отворање информативен центар. Оваа компанија има над 10.000 вработени во Италија и во Романија, кои користат италијански и германски јазик за своите клиенти.

Домаќин и организатор на посетата е министерот за странски инвестиции, Џери Наумоф, а посетата е договорена на неговиот состанок со основачите на компанијата во јуни на бизнис патување во Италија.

– Сопствениците на компанијата се позитивно изненадени од поволната бизнис клима во Македонија. Компанијата ќе донесе вработување на млади факултетски образовани луѓе, со добри јазични вештини по италијански, германски и англиски јазик – изјави Наумоф.

Тој посочи дека резултат од истото патување во Италија е официјалното отворање на канцеларијата во Скопје на претставник на адвокатската фирма на Алесандро и Франческо Дањино, која има свои канцеларии во Милано, Рим и во Палермо. Канцеларијата во Македонија, која ќе им служи на италијански клиенти, веќе има неколку вработени.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.