Исланд е сила, во Рејкјавик „падна“ Холандија (видео)

Исланд направи вистинска сензација во третото квалификациско коло за пласман на ЕП во Франција со победа против фаворитот Холандија од 2-0.

Исланѓаните компленот ги надиграа „лалињата“ и со головите на Сигурдсон славеа голема победа, со што направија значаен чекор кон континенталниот шампионат во 2016 година.

Сигурдсон погоди од пенал во 10. минута, а истиот играч ги докусури Холанѓаните со уште еден погодок во 42. минута. Со три победи и без примен гол Исланд е лидер во А групата, а ист број на бодови, 9, има и Чешка по денешниот триумф над Казахстан од 4-2.

Вистинска голеада имаше на мечот Хрватска – Азербејџан, а домаќините во Осијек ја наполнија мрежата на избраниците на Берти Фогст и победија со 6-0.

Италија со многу мака ја победи Малта со 1-0, а Турција не успеа да ја победи Летонија на гости, на меч што заврши нерешено, 1-1.

Останати резултати: Норвешка – Бугарија 2-1, БиХ – Белгија 1-1, Велс – Кипар 2-1, Андора – Израел 1-4.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.