Притвор за службениците на косовското Министерство за здравство

Судијата во Основниот суд во Приштина, синоќа одреди 30-дневен притвор за деветтемина службеници на косовското Министерство за здравство, под сомнение дека ја злоупотребиле службената должност, јави Танјуг.

Министерот за здравство Ферид Агани е приведен под истото сомнение во полиција и дал изјава, по што е пуштен.

Деветтемина осомничени пред два дена се приведени поради основано сомнение дека ја злоупотребиле службената положба во Министерството за здравсто во соработка со лекари од приватни клиники, а во врска со стентови за срце.

Тахир Рецај, адвокат на осомничениот лекар од Македонија Борче Петровски, изјавил за „Косовапрес“ дека судијата за таквата одлука немал ниту една законска причина.

– Обвинителот не ја потврди вистинитоста на основаното сомнение, што е главен услов за одредување притвор, потоа не се исполнија останатите услови кои се бараат врз основа на законот за одредување притвор, меѓутоа, судијата го усвои барањето на обвинителот – рече Рецај

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.