Ако сте се успале наутро или едноставно немате време да пеглате кошула за на работа, овој трик ќе ви помогне да го забрзате процесот и за 90 секунди да бидете готови.
Повеќето мажи ги носат кошулите под сако, така што доволно е да ги испеглате само јаката, предниот дел и манжетните.
За почеток свртете ја штицата за пеглање обратно, испразнете ја водата од пеглата, загрејте ја, испрскајте ја со вода и напрскајте го делот што треба да го пеглате. Ова правете го неколку пати. Притискајте силно и влечете со прстите на спротивниот крај.
Особено внимание обрнете на јаката, бидејќи таа најмногу ќе се гледа. Најпрво исправете ја и поминете ја цврсто со пеглата, а потоа превиткајте ја, па притиснете повторно за да не се изместува додека ја носите. Манжетните, пак, откопчајте ги и испеглајте ги однатре, само на краевите на ракавите. На крај закачете ја кошулата на закачалка малку да се олади и готово – подготвена за носење за неколку секунди.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
