Траект удри во пристаништето во Сплит, повредени неколку патници

Неколку лица се повредени откако траект удрил во пристаништето во Сплит.

Траектот кој допловил од Шолта почнал да маневрира на пристаништето за да ги истовари патниците и возилата. При маневарот му се оштетило едно од цревата за хидрауликата, при што останал без управуач и со страната удрил на рампата за истовар.

Најголем дел од патниците веќе биле во гаражата и се подготвувале да влезат во автомобилите.

Итната помош однела четири патници.

Очевидци велат дека вистинска среќа е што некој од автомобилите не се придвижил и не потиснал некој од патниците меѓу нив.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.