Бешикташ губи и добива во финишот од натпреварите во ЛЕ

Бешикташ губи и освојува бодови во финишот на натпреварите од Европа Лигата на УЕФА, а вечерва финишот на дуелот со Тотенхем во Лондон беше со среќен крај за турскиот тим. Демба Ба од пенал во 89. минута му донесе израмнување на Бешикташ од 1-1 и еден бод на гостински терен. Во првата рунда „црно-белите“ од Истанбул примија гол во завршницата против Астерас за реми, 1-1, а сега им се врати на идентичен начин.

Во последните дуели од второто коло по групи, вечерва од 21 часот доминираа домашните екипи со 6 победи, а само Бриж и Салцбург славеа на гостински терен.

Резултати: Тотенхем – Бешикташ 1-1, Астерас – Партизан 2-0, Астра – Салцбург 1-2, Селтик – Динамо Загреб 1-0, Ешторил – Панатинаикос 2-0, Хелсинки – Бриж 0-3, Интер – Карабах 2-0, Сент Етјен – Дњипро 0-0, Торино – ФК Копенхаген 1-0, Вилјареал – Аполон 4-0, Цирих – Борусија Менхегладбах 1-1.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.