Валенсија е хит во Шпанија (видео)

Валенсија повторно е хит во Шпанија, а популарните „лилјаци“ се лидери во фудбалскиот шампионат по победата против Кордоба, синоќа, во рамките на петтото коло. Пако, Фегули, Пјати, Родриго и останатите играчи на „ел-че“ играат извонредно на стартот на Примера дивизија и тие се најефикасната екипа по пет рунди со 4 победи и само еден пораз.

Новопечениот шпански репрезентативец Пако Алкасер со прекрасен гол во 22. минута ѝ донесе предност од 1-0 на Валенсија против Кордоба, а по него во листата на стрелците се запишаа и Гаја и Фегули. Со допадливиот стил на игра новата генерација на „лилјаците“ потсетува на славните времиња на клубот, на почетокот на новиот милениум кога за Валенсија играа Албелда, Бараха, Мендиета, Мориентес, Лопез, Ајала, Висенте, Аимар…., а Валенсија двапати играше финале во Лигата на шампионите.

Highlights Valencia CF 3 -0 Cordoba CF La Liga… by lancepremium

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.