Германската полиција во акција против џихадистите – претресувани станови, џамии, исламски центри…

racija germanija

Германската полиција изведе голема акција за разбивање на група исламисти во повеќе градови во Германија. Осомничените припаѓале на ултраконзервативното движење на салафисти на возраст од 23 до 36 години, а полицијата се сомнева дека планирале напад. Сепак, во операцијта никој не е уапсен.

Во рацијата се запленети компјутери, дискови, електронски податоци од стан во Фуртх и од три стана во Нирнберг каде што се извршени рации и во џамии и во исламскиот центар. Полицијата исто така вршела претрес и во стан во Бон и во два стана во Вејхеу во северниот дел на Германија. Истражителите сметаат дека осомничените собирале пари за испраќање на амбулантни возила во Сирија за потребите на Исламската држава.

– Нема да стоиме и да гледаме како терористите од одредот на смртта на Исламската држава во Сирија и Ирак добиваат помош од Германија, рекол министерот за внатрешни работи на Баварија Јоакин Херман.Рацијата била извршена во време додека САД и арапските сојузници извршуваа воздушни напади против ИСИЛ и Ал Каеда во Сирија.

Повеќе од 400 германски државјани заминале во Сирија да се приклучат на ИСИЛ, организација која Берлин ја прогласи за противзаконска. Германските разузнавачки служби тврдат дека бројот ан салафисти во Германија лани пораснал на 5.500 од 4.500 колку што имало претходната година.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.