Комерцијална банка ја зеде под хипотека зградата на Лотарија на Македонија

Акционерското друштво за приредување игри на среќа и забавни игри “Лотарија на Македонија” ја даде под залог зградата на улица Македонија во строгиот центар на Скопје.

Залогот на недвижниот имот се воспоставува заради обезбедување на побарување на Комерцијална Банка по основ на договор за одобрување на долгорочен кредит на „Лотарија на Македонија“, како и заради дополнување на обезбедувањето по договорот за одобрување на долгорочен кредит на „Фершпед“ АД Скопје.

Во компанијата информираа дека под залог се ставаат:

„Деловен објект на ул.Македонија 11 А Скопје, на КП 12054/2, бр. на згр.1, влез 001, кат 01, ДП, со површина од 476 м2, кат 02, ДП со површина од 447 м2, кат 03, ДП со површина од 477 м2, кат 04, ДП со површина од 501 м2, кат 05, ДП со површина од 453 м2, кат 06, ДП со површина од 315 м2, кат МА, СТ со површина од 97 м2, кат МЕ, ДП со површина од 335 м2, кат ПО, ДП со површина од 428 м2 и ПР, ДП со површина од 398 м2, или вкупна површина од 3927 м2 сопственост на ЛОТАРИЈА АД Скопје врз основа на Имотен лист бр. 9273 КО Центар 1 и земјиште под и околу објектот на КП 12054/2 со вкупна површина од 549 м2 сопственост на ЛОТАРИЈА АД Скопје врз основа на Имотен лист бр. 102337 КО Центар 1 и Залог на подвижен имот – опрема во деловниот објект на ул.Македонија 11 А Скопје сопственост на ЛОТАРИЈА НА МАКЕДОНИЈА АД Скопје“, се вели во соопштението на компанијата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.