Наводно, генералот Сутарман на состанок пред свои колеги рекол дека знае што се случило со исчезнатиот авион. Со ова се потврдуваат сомнежите дека високи полициски претставници одамна знаат како исчезнал авионот – пишува Мирор.
– Зборував со шефот на полицијата на Малезија, Тун Мохамед Ханиф Омар. Јас знам што всушност се случи со MH370 – рекол генералот Сутарман на состанокот – објави индонезискиот портал Kompas.com.
Главниот инспектор на малезиската полиција Калид Абу Бакар, наводно бил шокиран откако прочитал за овие коментари на индонезискиот шеф на полицијата и рекол дека ќе разговара со него.
Боингот 777 со 239 патници и членови на екипажот, кој леташе од Куала Лумпур до Пекинг, исчезна пред 6 месеци.
Се најавува нова истрага која треба да почне следниот месец и ќе чини десетици милиони долари.
До сега се пронајдени 58 тврди објекти во јужен Индиски океан.
Допрва треба да се проверат претпоставките дека тоа се остатоци од исчезнатиот авион.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
