Во Ватикан денеска почнува првото собирање на кардиналите во рамките на подготовка за конклавата – избор на папа.
Генералната конгрегација на кардинали ја свика и ќе ја води кардиналот Анџело Содано, а дневно ќе се одржуваат две седници во девет и во 17 часот. Кардиналите треба да одлучат за точниот ден за почетокот за избор на папа.
Генералната конгрегација ги опфаќа сите кардинали и тие што ќе гласаа, помлади од 80 години, и тие постарите, а чии мислења ќе бидат сослушани. Иако има 117 кардинали помлади од 80, двајца од Индонезија и од Шкотска, нема да гласаат.
Кардиналите ќе се затворат во Сикстинската капела и ќе гласаат се додека не изберат нов папа со двотретинско мнозинство. За тоа во Сикстинската капела ќе биде поставена посебна печка и оџак. Верниците на Плоштадот Свети Петар и околу 1,2 милијарди верници ширум светот ќе го чекаат резултатот. Листовите со кои кардиналите ќе гласаат ќе бидат запалени, а на нив се додава хемиска супстанца, ако не биде избран папа тогаш чадот ќе биде црн, а ако биде избран ќе биде бел. Тогаш се огласуваат и ѕвоната од базиликата Свети Петар.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
