Меркел: примирјето може да ги одложи санкциите кон Русија

Германската канцеларка Ангела Меркел денеска изјави дека воведувањето на нови санкции против Русија од страна на ЕУ би можело да биде одложено доколку се воспостави примирје во источниот дел на Украина.

Таа, исто така, истакна дека НАТО останува обврзан со договорот за соработка со Русија, и покрај тоа што Москва го прекршува со своите дејствија во Украина.

Според Меркел, лидерите на земјите од Алијансата се согласиле на средбата на врвот во Велс дека основачкиот акт НАТО-Русија продолжува да биде клучен дел од безбедносниот систем во Европа.

Украинскиот претседател Петро Порошенко потврди дека на денешната средба на Контакт групата за Украина во Минск е постигнат договор за прекин на огнот меѓу украинските сили и проруските сепаратисти.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.