Според НАТО, Русија не стори ништо за мир во Украина

Русија не направила ниту најмал гест за постигнување мир во Украина, обвини генералниот секретар на НАТО Андерс Фог Расмусен од самитот на Алијансата во Њупорт, Велс, и повика за посилни и посурови санкции кон Русија

– Русија се бори против Украина, во Украина. Руските војници и тенкови ги напаѓаат украинските сили. Русија зборува за мир, но не направи ниту најмал гест за тој мир да биде можен- изјави Расмусен пред седницата на Комисијата НАТО-Украина, додавајќи дека Украина треба сама да одлучи како ќе ја гради својата иднина со НАТО.

– Никој не сака војна или вооружен конфликт за решавање на ситуацијата. Веруваме дека најдобро е да се најде политичко решение, а за таа цел меѓународната заедница треба да реагира негативно ако Русија продолжи да се меша во Украина- оцени првиот човек на НАТО.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.