НАТО ќе издвои 15 милиони евра за воени реформи во Украина

НАТО ќе издвои 15 милиони евра за поттикнување на воените реформи во Украина, додека некои од 28-те земји членки на Алијансата, на билатерална основа, ќе му обезбедат помош на Киев, најави денеска генералниот секретар на НАТО, Андерс Фог Расмусен.

НАТО и Киев претходно заеднички основале четири фонда за финансирање на реформите и модернизација на украинските безбедносни сили во областа на логистика, борбена контрола, кибер-одбрана, воен санитет и рехабилитација на повредените војници во оружените судири во последните месеци, соопштија дипломатски извори.

Одлуката за помош од 15 милиони евра за Украина е усвоена на состанокот на Комисијата НАТО-Украина, додека десетина држави членки на Алијансата ги обелоденија своите планови да се придружат кон финансиската помош за Украина.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.