Стрелецот на единствениот гол за Пелистер во Кратово, Благојче Марковски се здоби со тешка повреда, ја скрши клучната коска на три места и веднаш уште синоќабеше префрлен во Скопје, каде што ќе му се изврши оперативен зафат.
Незгодниот пад скапо го чинеше битолскиот фудбалер, кој токму против неговиот бивш клуб го постигна првиот свој гол во шампионатот, откако претходно два пати погоди во Куп мечот со Вулкан.
Битолските со мислите кон својот соиграч после мечот потиштени од разорачување заради доцна примениот гол, веднаш побрзаа до Скопје или со информации од главниот град околу состојбата на поливалентниот фудбалер. Марковски го очекува долга пауза и за него многу веројатно оваа сезона е завршена.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
