Голем број на болести реагираат добро и дури се лекуваат со едноставен метод познат на Јапонците со векови.Пиењето на топла вода наутро на гладно се препорачува кај различни состојби. Ова ги подобрува сите функции на организмот и му помага да се справи со проблемите.
Јапонците го препорачаат следниов метод: по будењето, дури и пред миењето на забите се пијат 4 чаши по 160 мл топла вода. Забите се мијат и не се пие ништо друго барем 45 минути. По појадокот не се прифаќаат течности најмалку 2 часа. Ова важи за сите оброци како целина, бидејќи пиењето вода после јадење ги разредува соковите во дигестивниот систем и ја нарушува работата на желудникот. Може да се започне со помала количина вода наутро, а тоа постепено да се зголемува.
Резултат од третманот со топла вода има кај високиот крвен притисок по 30 дена, при гастритис по 10 дена, а кај дијабетес по месец.
Овој метод нема несакани ефекти, освен што често се оди во тоалет. Препорачливо е пред започнување на третманот да се направи консултација со лекар.
Според друга студија, и изгорениците требало да се третираат со топла, а не со ладна вода.
Ставањето на ладна вода врз мали изгорени делови од кожата е познат начин за третирање на изгореници. Швајцарските научници сепак препорачуваат да се прави токму спротивното: да се пушта топла вода врз изгорените места.
Истражувањето спроведено на Универзитетот во Базел, покажува дека топлата вода го намалува оштетувањето на ткивата и помага во реконструкцијата на нормалната циркулација на крвта во изгорените делови. По приемот на изгореници во рамките на 24 часа е користена топла вода. Резултатите од истражувањето покажуваат дека ткивата се помалку оштетени, а раните се површни.
Иако студената вода помага за намалување на чувството на болка, бидејќи ја лади кожата и нервните завршетоци, по 20 минути болката се враќа поради премногу ниска температура, велат научниците. По појавата на изгорениците тие препорачуваат врз ткивото да се пушти ладна вода во текот на само 1 минута, а потоа да се пушта топла вода, за да се промовира циркулацијата. Топлата вода не треба да биде врела, туку околу 20-30 Целзиусови степени.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.