Светот им останува на младите, а Македонија очекува петка

Ма­ке­дон­ска­та ко­шар­кар­ска ре­пре­зен­та­ци­ја е пред нов пре­диз­вик и ква­ли­фи­ка­ци­ски цик­лус за на­стап на че­твр­то­то ед­но­по­дру­го Европ­ско пр­венс­тво, вкуп­но пет­то, а ри­ва­ли во фил­тер- рун­да­та ќе ни би­дат Бел­ги­ја, Бе­ло­ру­си­ја и Дан­ска.

Цел­та е да се освои ед­но од пр­ви­те две ме­ста во гру­па­та Д, ко­ја е ре­ла­тив­но лес­на, за ви­за на ЕП. Цик­лу­сот ква­ли­фи­ка­ции овој пат се игра екс­прес­но бр­зо за са­мо еден ме­сец, а август го крие од­го­во­рот да­ли Ма­ке­до­ни­ја ќе стаса до „пе­тка“ со на­ста­пи на кон­ти­нен­тал­ниот шам­пи­о­на­т. Играв­ме во Фран­ци­ја во 1999 го­ди­на ка­ко де­би­тан­ти, по­тоа во Пол­ска пред 5 го­ди­ни, во Ли­тва­ни­ја во 2011 го­ди­на, ка­де што го на­пра­вив­ме исто­ри­ски­от ус­пех со осво­ју­ва­ње на че­твр­то­то ме­сто, плас­ман што е нај­до­бар во ко­ле­ктив­ни­те спор­то­ви од оса­мо­сто­ју­ва­ње­то на Ма­ке­до­ни­ја. И во Сло­ве­ни­ја пред две го­ди­ни бев­ме учес­ни­ци на ЕП, но то­гаш ни одб­ли­зу не бев­ме на оче­ку­ва­но­то ни­во и ис­пад­нав­ме уште во пр­ва­та фа­за по гру­пи.

Ин­те­рес­но и ре­чи­си за ана­ли­те на европ­ска­та ко­шар­ка е што ква­ли­фи­ка­ци­и­те ќе би­дат за­вр­ше­ни, а не­ма да се знае ко­ја зем­ја ќе би­де до­ма­ќин на шам­пи­о­на­тот во 2015 година. Тоа се не­ма слу­че­но до­се­га, а проб­ле­ми­те и во­е­ни­те су­ди­ри во Укра­и­на до­ве­доа до чуд­на си­ту­а­ци­ја. Укра­ин­ци­те се отка­жаа од ор­га­ни­за­ци­ја на 38. Европ­ско пр­венс­тво, па од­лу­ка­та ко­ја зем­ја ќе би­де до­ма­ќин ќе би­де до­не­се­на во сеп­тем­ври. Кан­ди­да­ти има мно­гу, се при­ја­ви­ја осум зем­ји и во кон­ку­рен­ци­ја се Гер­ма­ни­ја, Фран­ци­ја, Хр­ват­ска, Тур­ци­ја, Фин­ска, Ле­то­ни­ја, Изра­ел и Пол­ска. Мож­но е и две или по­ве­ќе др­жа­ви за­ед­но да го ор­га­ни­зи­ра­ат шам­пи­о­на­тот.

Ма­ке­до­ни­ја – мла­ди ла­во­ви во ми­си­ја за нов плас­ман на ЕП и за по­твр­да на ква­ли­те­тот

Ма­ке­до­ни­ја ве­ќе се на­вик­на на на­ста­пи на Европ­ско­то пр­венс­тво и се оче­ку­ва по­втор­но да би­де дел од нај­до­бри­те 24 се­лек­ции на ста­ри­от кон­ти­нент што ќе игра­ат на 38. са­мит на европ­ски­те ко­шар­кар­ски ре­пре­зен­та­ции.

Си­ту­а­ци­ја­та овој пат е мал­ку по­и­на­ква и но­ви­от се­ле­ктор Але­ксан­дар Џи­киќ ќе ги не­ма на рас­по­ла­га­ње „ста­ри­те вол­ци“ од ка­ли­ба­рот на Пе­ро Ан­тиќ, Вла­до Или­ев­ски, То­дор Ге­чев­ски, Ле­стер Бо Ме­кеј­леб, Пре­драг Са­мар­џи­ски и Ѓор­ѓи Че­ков­ски. Вре­ме е за нов по­че­ток, а фор­ту­на­та ни по­ну­ди до­бра ждреп­ка.

Бел­ги­ја и Бе­ло­ру­си­ја ќе ни би­дат глав­ни кон­ку­рен­ти за пр­ви­те две ме­ста во гру­па­та Д. Стар­тот на ква­ли­фи­ка­ци­и­те за нас е во Скоп­је на 10 август. Ни до­а­ѓа­ат „цр­ве­ни­те ѓа­во­ли“ од Бел­ги­ја, па по­тоа три­па­ти ќе го­сту­ва­ме и во фи­ни­шот два­па­ти ќе би­де­ме до­ма­ќи­ни. Тоа на­ви­дум и не е лош рас­по­ред на нат­пре­ва­ри ако се знае де­ка ја подм­ла­див­ме ре­пре­зен­та­ци­ја­та и клуч­ни­те ме­че­ви во за­врш­ни­ца­та на ква­ли­фи­ка­ци­ски­от цик­лус ќе ги игра­ме на до­ма­шен те­рен. Во ба­сти­о­нот што те­шко се осво­ју­ва – са­ла­та „Бо­рис Трај­ков­ски“ во Скоп­је.

По­крај дра­стич­но­то подм­ла­ду­ва­ње има­ме и нов се­ле­ктор во срп­ски­от стра­тег Але­ксан­дар Џи­киќ. Спо­ред пр­ви­те на­ста­пи во под­го­тви­тел­ни­от пер­и­од на ма­ке­дон­ска­та ре­пре­зен­та­ци­ја, 43-го­диш­ни­от бел­гра­ѓа­нец е ви­стин­ски из­бор на Ко­шар­кар­ска­та фе­де­ра­ци­ја на Ма­ке­до­ни­ја. Џи­киќ има искус­тво иа­ко е ре­ла­тив­но млад, а стиг­на и до НБА-ли­га­та. Тој е пр­ви­от тре­нер што ра­бо­тел во НБА без прет­ход­но искус­тво во не­ко­ја од ли­ги­те во САД. Бе­ше аси­стент-тре­нер во струч­ни­от штаб на НБА-ти­мот Ми­не­со­та тим­бер­вулфс во 2005 го­ди­на и е вто­ри­от Евро­пе­ец што стиг­нал до та­ква по­зи­ци­ја. Тој ве­ру­ва во мла­ди­от со­став што го има на рас­по­ла­га­ње, а поч­на од­лич­но со 5 по­бе­ди во под­го­тви­тел­ни­от пер­и­од и са­мо два по­ра­зи од ре­но­ми­ра­ни­те се­лек­ции на Ита­ли­ја и на Хр­ват­ска.

– Ќе има­ме проб­лем под ко­ше­ви­те би­деј­ќи сме тен­ки со ви­со­ки игра­чи. Но, јас ја по­чи­ту­вам фи­ло­зо­фи­ја­та „5 ко­шар­ка­ри ед­на иде­ја“. Мо­ра­ме да игра­ме ко­ле­ктив­на ко­шар­ка, бр­за и агре­сив­на, осо­бе­но во од­бра­на­та, за да го ану­ли­ра­ме не­до­ста­то­кот под ко­ше­ви­те. Од­бра­на­та, по­жр­тву­ва­но­ста и би­тка­та за се­ко­ја топ­ка ќе би­дат за­шти­тен знак на оваа се­лек­ци­ја – ве­ли Џи­киќ.

Бра­ќа­та Сто­ја­нов­ски, Вој­дан и Дам­јан, за­ед­но со Бо­јан Трај­ков­ски и но­ви­от „Аме­ри­ка­нец“ Ри­чард Хен­дрикс тре­ба да би­дат глав­ни­те аду­ти на Ма­ке­до­ни­ја во обид да се стиг­не до пет­то­то учес­тво на ЕП и да се за­др­жи кон­ти­ну­и­те­тот од на­ста­пи. Ту­ка се и ек­стра-та­лен­ти­ра­ни­от Ан­дреј Маг­де­ски и уште не­кол­ку ко­шар­ка­ри од до­маш­но­то пр­венс­тво кои нај­а­ву­ва­ат уба­ва ид­ни­на и го има­ат не­оп­ход­ни­от ква­ли­тет да се из­бо­рат за на­стап на шам­пи­о­на­тот след­на­та го­ди­на.

Поширок состав на Македонија за квалификациите

• Иви­ца Дим­чев­ски,
• Ан­дреј Маг­дев­ски,
• Дар­ко Со­ко­лов,
• Але­ксан­дар Ко­сто­ски,
• Вој­дан Сто­ја­нов­ски,
• Дам­јан Сто­ја­нов­ски,
• Мар­ко Си­мо­нов­ски,
• Вла­ди­мир Брч­ков,
• Бо­јан Трај­ков­ски,
• Сто­јан Ѓу­ро­ски,
• Мар­јан Ја­не­ски,
• Ри­чард Хен­дрикс,
• Бо­јан Кр­стев­ски,
• Љу­бо­мир Мла­де­нов­ски

Бел­ги­ја – ви­сок ко­шар­кар­ски скок на „цр­ве­ни­те ѓа­во­ли“

Изг­ле­да из­не­на­ду­вач­ки, но, спо­ред про­це­ни­те на експертите, Бел­ги­ја е прв фа­во­рит за плас­ман на ЕП од оваа гру­па. „Цр­ве­ни­те ѓа­во­ли“ имаа ра­пи­ден на­пре­док во но­ви­от ми­ле­ни­ум, вло­жу­ва­ат мно­гу во ко­шар­ка­та, а ре­зул­та­ти­те се до­бри.

Од 2011 го­ди­на ги пред­во­ди Еди Ка­стелс, а ре­пре­зен­та­ци­ја­та на Бел­ги­ја игра­ше на пос­лед­ни­те две европ­ски пр­венс­тва, исто ка­ко и Ма­ке­до­ни­ја. Во Ли­тва­ни­ја пред три го­ди­ни беа прет­пос­лед­ни, до­де­ка ла­ни во Сло­ве­ни­ја при­ка­жаа со­лид­на игра и го осво­и­ја де­вет­то­то ме­сто.

Проб­лем за нив е што ќе го не­ма­ат искус­но­то дуо Ван Ро­сом и Бе­гин, кое бе­ше дел од старт­на­та пе­тор­ка во пос­лед­ни­те не­кол­ку го­ди­ни. Се ра­бо­ти за мош­не ком­пакт­на се­лек­ци­ја што игра цвр­ста ко­шар­ка и има не­кол­ку ко­шар­ка­ри од свет­ска кла­са.

Ги пред­во­ди ве­те­ра­нот Аксел Ер­ве­ле, пр­ви­от бел­ги­ски ко­шар­кар што бил дра­фту­ван во НБА, во ти­мот на Ден­вер на­гетс. Кри­ло­то на Бел­ги­ја игра­ше пет се­зо­ни за ги­ган­тот Ре­ал Ма­дрид и тој е ви­стин­ски ли­дер на оваа се­лек­ци­ја. Го­ле­мо­то за­си­лу­ва­ње за нив до­пр­ва тре­ба да за­и­гра ток­му во ква­ли­фи­ка­ци­и­те, а се ра­бо­ти за на­ту­ра­ли­зи­ра­ни­от Бел­ги­ец со аме­ри­кан­ски па­сош Мат Ло­џе­ски. Ни­ско­то кри­ло од Ви­скон­син, САД, нај­ве­ро­јат­но ќе де­би­ти­ра за Бел­ги­ја во ду­е­лот со Ма­ке­до­ни­ја во Скоп­је на 10 август. Се ра­бо­ти за 198 сан­ти­ме­три ви­со­ко кри­ло од ти­мот на грч­ки Олим­пи­ја­кос, со не­ве­ро­јат­но до­бар шут, осо­бе­но за три по­е­ни. Ло­џе­ски има и од­ли­чен одраз, што по­твр­ду­ва де­ка Бел­ги­ја на­пра­ви су­пе­риз­бор.

Мо­ра да се вни­ма­ва и на Ма­ксим де Зе­ув, играч што, ве­ро­јат­но, во мо­мен­тов е во нај­до­бра фор­ма во бел­ги­ски­от тим. Ви­сок е 206 сан­ти­ме­три, го­ди­на­ва пот­пи­ша за Вир­тус Ро­ма, а има мно­гу пре­ци­зен удар. Бел­ги­ја има и до­бри ин­ди­ви­ду­ал­ци и од­лич­на тим­ска игра, што ја пра­ви прв фа­во­рит за плас­ман на ЕП 2015 во кон­ку­рен­ци­ја на Ма­ке­до­ни­ја, Бе­ло­ру­си­ја и на Дан­ска.

Бе­ло­ру­си­ја – крај на цр­на­та се­ри­ја без на­стап на ЕП

Ин­те­рес­но е што Бе­ло­ру­си­ја ни­ко­гаш не игра­ла на Европ­ско­то пр­венс­тво во ко­шар­ка, а ка­ко дел од моќ­ни­от СССР ме­да­ли­те беа на­ви­ка. Бе­ло­ру­си­те во ми­на­то­то имаа свои ко­шар­ка­ри со ме­да­ли од го­ле­ми­те нат­пре­ва­ру­ва­ња, а са­мо­стој­но­ста им до­не­се си­ви­ло и сла­би ре­зул­та­ти во овој спорт.

Овој пат од­лу­чи­ја да му да­дат шан­са на срп­ски­от стра­тег Ду­шан Гвоз­диќ да се оби­де да го на­пра­ви тој дол­го­о­че­ку­ван за­вр­шен че­кор и да ја од­ве­де Бе­ло­ру­си­ја на ЕП. Гвоз­диќ има 36 го­ди­ни и ќе би­де најм­ла­ди­от се­ле­ктор во комп­лет­ни­от ква­ли­фи­ка­ци­ски цик­лус. Не­го­во­то не­и­скус­тво, подм­ла­ду­ва­ње­то на ре­пре­зен­та­ци­ја­та и не­кол­ку­те по­вре­ди и отка­жу­ва­ња на дел од ко­шар­ка­ри­те тре­ба да би­дат шан­са за Ма­ке­до­ни­ја. Бе­ло­ру­си­ја мал­ку го сме­ни и сти­лот на игра, со мно­гу по­ве­ќе ди­на­ми­ка и бр­зи­на, а Ахи­ло­ва пе­ти­ца ќе им би­де игра­та под ко­ше­ви­те. Не­ма­ат до­ми­нант­ни цен­три, глав­ни­от адут Па­ра­ху­ски им се по­вре­ди, па Гвоз­диќ на­мет­на нов стил.

– Иа­ко има­ме сил­ни про­тив­ни­ци, на ни­ту еден меч не­ма да се пре­да­ва­ме. Ќе игра­ме до крај, а се на­де­вам де­ка во ид­ни­на ко­шар­ка­та во Бе­ло­ру­си­ја ќе се приб­ли­жи до на­ци­о­нал­ни­от спорт, хо­ке­јот – из­ја­ви Гвоз­диќ. Сил­ни аду­ти ќе му би­дат од­лич­ни­те бе­ко­ви Ли­тич и Сит­ник. Во под­го­тви­тел­ни­от пер­и­од до­бри прет­ста­ви при­ка­жа и кри­ло­то Пу­стах­вар.

Дан­ска – ау­тсај­дер што не­ма што да за­гу­би

И Дан­ска е ре­чи­си во иден­тич­на си­ту­а­ци­ја ка­ко и Бе­ло­ру­си­ја, и не­ма на­стап на Европ­ско­то пр­венс­тво во мо­дер­на­та ера на ко­шар­ка­та. Во 1951 го­ди­на, 1953 и во 1955 го­ди­на учес­тву­ваа на кон­ти­нен­тал­ни­те шам­пи­о­на­ти, но тоа се дам­неш­ни вре­ми­ња. Во гру­па­та Д во овие ква­ли­фи­ка­ции ќе ја има­ат уло­га­та на ап­со­лу­тен ау­тсај­дер, ба­рем спо­ред нај­а­ви­те на екс­пер­ти­те.

Го­лем пех за нив ќе би­де отка­жу­ва­ње­то на вли­ја­тел­ни­от кри­лен цен­тар Ни­ко­лај Ивер­сен. Тој бе­ше еден од клуч­ни­те игра­чи во дан­ска­та ре­пре­зен­та­ци­ја во пос­лед­ни­те де­се­ти­на го­ди­ни. Се­ле­кто­рот Пје­ти По­и­ко­ла има на рас­по­ла­га­ња мно­гу млад со­став со про­сек од 22,3 го­ди­ни, а во отсус­тво на Ивер­сен, то­ва­рот во овие ква­ли­фи­ка­ции се оче­ку­ва да го по­не­сат бе­ко­ви­те Бак, Дар­бо и Ре­ин­холт и цен­та­рот Берг­штед.

Дан­ци­те има­ат до­бри мла­ди ко­шар­ка­ри, но за овие и ва­кви ква­ли­фи­ка­ции, при што вло­гот е го­лем и се­кој по­ен, скок и удар се мош­не важ­ни, се чи­ни, не­ма­ат до­вол­но ква­ли­тет за да ги из­не­на­дат ри­ва­ли­те во гру­па­та Д и да на­пра­ват сен­за­ци­ја со на­стап на ЕП по па­у­за од 59 го­ди­ни.

РАС­ПО­РЕД НА НАТП­РЕ­ВА­РИ

Ма­ке­до­ни­ја – Бел­ги­ја  76:73
10 август во Скоп­је од 20.30 ча­сот

Дан­ска – Ма­ке­до­ни­ја  75:81
13 август во Хор­сенс од 19.30 ча­сот

Бе­ло­ру­си­ја – Ма­ке­до­ни­ја
17 август во Минск од 18 ча­сот

Бел­ги­ја – Ма­ке­до­ни­ја
20 август во Шар­лроа од 20.30 ча­сот

Ма­ке­до­ни­ја – Дан­ска
24 август во Скоп­је од 20.30 ча­сот

Ма­ке­до­ни­ја – Бе­ло­ру­си­ја
27 август во Скоп­је од 20 ча­сот

(Пишува: Зоран Поповски
Текст објавен во 101. број на неделникот „Република“, 8.08.2014)

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.