Министерот за информатичко општество и администрација Иво Ивановски денеска ќе го посети Централниот регистар на Република Македонија и ќе оствари работна средба со в.д. директорот Андреа Поповски.
Иваноски најави средби со директорите на институциите по презентацијата на резултатите од спроведената анкета за задоволството на граѓаните од државните институции, која Министерството за информатичко општество и администрација (МИОА) ја спроведува втора година.
Според анкетата, граѓаните оваа година се најмногу задоволни од севкупната работа на Централниот регистар, кој е оценет со највисока оценка (5) од 51 отсто од испитаниците.
Целта на анкетата е да се постигне конкурентност, спроведување на планираните реформски процеси во јавната администрација и посервисно ориентирани институции.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
