Познати уметнички дела на врвни македонски уметници се продаваат на интернет страницата за огласи, „Пазар 3“. „Пејзаж од Охрид“ на Лазар Личеноски, дело на еден од најавтентичните македонски сликари, на овој веб-сајт се продава за дури 10.000 евра, објави Алфа.
Личеноски не е еднинствениот македонски уметник чии дела се продаваат на „Пазар 3“. Објавени се огласи и за слики од Петар Мазев, голем број други уметници чии имиња не се толку звучни.
Потребата за финансии е главната причина поради која приватните колекционери се осмелиле да ги продадат вредните дела за кои некогаш платиле многу. Велат дека високите маржи за откуп во приватните галерии им бил најголемиот проблем на приватните колекционери на уметнички слики.
Дел од приватните галерии, пак, кои ги консултираше „Алфа“, излегоа со спротивен став. Велат дека со колекционерите досега имале добра комуникација, но дека таквиот начин на продажба на уметнички слики за нив е несоодветен.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
