Папата Франциск им порача на младите: Не трошете го времето на интернет и смартфони

Папата Франциск им порача на младите да не го трошат времето на интернет, смартфони и телевизија., туку своето време да го поминуваат со попродуктивни активности.

– Можеби многумина млади луѓе потрошија премногу часови со бескорисни нешта. Нашиот живот се состои од време, а времето е дар од Бога, па затоа е важно да биде искористено за добри и плодни дејства – рече Папата пред 50 илјади млади Германци, кои дошле во Рим. Верниците биле на возраст меѓу 13 и 27 години.

Според Папата Франциск чет на интернет или со телефоните, гледање на телевизиски сапунски опери и употребата на производите на технолошкиот напредок, кои треба да го поедноставуваат и подобруваат квалитетот на животот, не му прават ништо добро на човештвото.

Самиот 77-годишен Папа има Твитер профил на неколку јазици, а англиската јазична верзија има 4,3 милиони следбеници.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.