Претставници од ВМРО-ДПМНЕ на средби со жителите од Реканскиот крај

Претставниците од извршната и законодавната власт од владеачката ВМРО-ДПМНЕ, членот на извршниот комитет  и директор на УВМК Ашим Зеќироски, вчера и денес остварија средба со граѓаните од Општина Маврово и Ростуше во населените места Жировница, Ростуше, Велебрдо,Требиште, Присојница и Скудриње.

На средбата присуствувале и пратениците Алим Билали и Фатмир Имероски, градоначалникот на Општина Маврово и Ростуше Мукрем Мехмеди, директорот на Националниот парк Онер Јакупоски и други локални-функционери.

Реканскиот крај особено заживува во летниот период, бидејќи се враќаат и многубројните иселеници, па со цел да се слушнат нивните проблеми и потреби се направени ваквите средби.

Освен со печалбарите, средбите се остварени и со постојаните жители на Општина Маврово-Ростуше.

Посетите се се’ почести во овој крај од страна на високи функционери од Владата со тоа се докажува дека овој дел од Македонија не е заборавен.

Реканскиот крај е печалбарски крај, но исто така е препознатлив по природните убавини.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.