На неколку недели од почетокот на овогодишното издание на гурманскиот викенд на пиво, фестивалот „Пиволенд“, организаторите ја објавија музичката програма за сите пет дена, колку што ќе трае овој фестивал. И оваа година под мотото 100 проценти македонски бренд, „Пиволенд“ им дава голема поддршка на македонските артисти и македонската музичка сцена. На едно место, публиката ќе има можност да ужива во легендите на македонската музика – „Леб и сол“, „Мизар“, Селимова-Желчевски, популарните поп-изведувачи Влатко Лозановски, Тијана Дапчевиќ, Тамара Тодевска, Димитар Андоновски, Тајзи, како и неизбежните цареви на ноќните свирки Бени и Нонстоп, Жаре Бербер, Дани Димитровска, Бета Хаус, „Тумбао салса бенд“, Тони Михајловски и Скандал састаф, како и алтренативните бендови од македонскиот андерграунд – Д Џон, Смат, Сиз, К.У.Р (Културно-уметнички работници), Хроматик поинт и Брука.
Веќе по традиција, за љубителите на електронската музика и хип-хопот ќе настапуваат диџеј Славе и „Галактик експлорерс“. За атмосферата да биде што поразиграна ќе се погрижат и МВП од Белград, како и реге-составот Јосип А Лисац од Нови Сад. Од организацијата најавуваат уште неколку изненадувања за коишто, сепак, сѐ уште е рано да бидат откриени, но веруваме дека „Пиволенд“ оваа година ќе овозможи уживање во сите музички правци, како и во големиот избор на странски пива, но и гурманска храна.
Погледнете ја целосната програма за „Пиволенд 2014“:
Среда 20 август
– Астероид Б 612
– Хроматик поинт
– Бени и Нонстоп
– Леб и сол
– Д Џон
Четврток 21 август
– Фреш ( Победници на конкурсот за млади бендови)
– К.У.Р ( Културно-уметнички работници)
– СИЗ
– СМАТ
– Тијана Дапчевиќ
– МВП ( СР)
– Мизар
Петок 22 август
– Фреш ( Победници на конкурсот за млади бендови)
– Пука банд брука
– Тумбао салса бенд
– Тајзи
– Тамара
– Диџеј Славе
– Галактик експлорерс (диџеј Кокс)
Сабота 23 август
– Фреш( Победници на конкурсот за млади бендови)
– Димитар Андоновски
– Трибјут 2 Пинк флојд
– Дани Димитровска
– Јосипа Лисац
– Жаре Бербер
Недела
– Бански старчета
– Селимова-Желчевски
– Влатко Лозановски- Лозано
– Бета хаус
– Тони Михајловски и „Скандал састаф“
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
