Таткото на починатото бебе, изгубен талка по болницата

– Во шок сум, тоа е сѐ што можам да кажам – рекол Драган Маринковиќ (34), татко на осуммесечниот Андрија кој почина во тешката сообраќајка кај Удово.

Маринковиќ е отпуштен од болница кога му се санирани полесните повреди, но вчерашниот ден го поминал во бдеење над тешкоповредената сопруга Марија (30), братотот Никола (24) и синот Матија (5). Замотан во завои, Драган потполно изгубен талкал по ходниците на болницата не сакајќи да разговара со никого.

Обесхрабрувачките вести дека братот и натаму му е во критична состојба го дотепале. Болничкиот персонал се обидел да го утеши, но без успех, а тој цел ден поминал шетајќи од соба во соба.

Сепак, последниот лекарски извештај до некаде го охрабрило семејството Маринковиќ од Чуприја.

– Пријателите и роднините нѐ храбрат да истраеме во овој тежок момент. Докторите велат дека операциите на Матија и на Марија биле успешни, но не дозволуваат посети. Многу сме загрижени за Никола, но веруваме дека тој ќе ја надмине кризата и дека ќе се разбуди. Тој е млад и јак, спортист – рекла на српски „Блиц“ снаата Милена Маринковиќ.

Никола Гавриловиќ (20) од Ниш, кој е повреден во „фордот“, би можел денеска да биде пуштен од болница откако во скршената бутна коска му е вградена шипка.

Состојбата на патничката од „фордот“, Милица Нововиќ (19), е стабилна, додека пред собата на возачот Рајко Радојковиќ (21) за кого се сомнева дека го предизвикал судирот, дежура полиција.

Матија Маринковиќ (5)

Драган Маринковиќ (34)

Рајко Радојковиќ (21)

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.