Со доаѓањето на хрватскиот репрезентативец во Ливерпул, Дејан Ловрен, кој играше во Саутемптон, одбранбените играчи во тимот од „Енфилд роуд“ добија уште едно име, најтетовирана одбрана.
Ливерпул го потврди доаѓањето на Ловрен од Саутемптон за сума од 20 милиони фунти. Со тој трансфер се комплетираше последната линија во одбраната на тренерот Брендон Роџерс кој покрај Ловрен во тимот ги има и Даниел Агер, Глен Џонсон и Мартин Шкртел.
Интересно за овие четворица играчи е што имаат повеќе тетоважи на своето тело.
Ловрен го красат „уметнички дела“ на левото рамо, десната надлактица, ребрата и на левата подлактица.
Сепак, Хрватот е како мало дете во однос на своите нови соиграчи кога се работи за тетоважите на нивните тела.
Глен Џонсон ги има истетовирано двете раце, исто како и Словакот Шкртел, кој има и порака на градите.
Сепак, „капитен“ во однос на нив е Данецот Даниел Агер. Тој го има истетовирано речиси целото тело.
Од „нацртани“ цели раце, преку пораки до своите родители на нозете до целиот грб со викиншки гробишта, познатата порака кон навивачите на Ливерпул и ѓердан околу вратот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
