Момчето го признало делото:Ја удирав со чекан по главата, па ѝ го пресеков вратот

Германската полиција го расветли убиството на 29-годишната Хилда Ајановиќ, со потекло од Србија, која минатата недела беше пронајдена мртва во својот стан во Франкфурт.

Злосторството го призна нејзиното момче Доменико де ла Рока (26), кој на сослушувањето истакна дека немал намера да ја убие. Де ла Рока, кој има потекло од Италија, рекол дека по кусата расправија што ја имале, зел чекан и jа удирал Хилда по глава, по што ѝ го пресекол вратот со брич.

– Ја удрив еднаш и таа падна на подот. Кога видов дека е многу повредена, продолжив да ја удирам со чеканот. Потоа го земав бричот и ѝ го пресеков вратот – изјавил Доменико на сослушувањето, а пренесува германски „Билд“.

По убиството чеканот и бричот ги фрлил во различни контејнери и побегнал. Обвинителството по сослушувањето поднесе обвинение за тешко убиство, како и за прикривање тежок злочин.

Исчезнувањето на девојката го пријавиле нејзините пријатели бидејќи им било сомнително тоа што не се јавува на телефон. Полицијата по пристигнувањето ја скршила вратата и ја видела ужасната слика.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.