Мажите доброволно во пензија на 67, а жените на 65 години

Доброволно продолжување на работниот стаж за една две или најмногу три години. На вчерашната владина седница донесени се две мерки кои значително ќе ги зголемат работничките права.

Од сега изборот на старосна пензија зависи само од работникот. Така, мажите ќе може да си го продолжат работниот век до 67 години, а жените до 65 години. Работодавачот кој нема да ја почитува одлуката на работникот ќе биде казнет во висина од 3 илјади евра.

Со втората мерка се поттикнува редовното вработување. Од сега сите што се ангажирани преку авторски договор со плата над минималната, наместо само персоналец ќе им биде подмирено и пензиско и здравствено осигурување.

Мерките според Ставревски ќе придонесат кон приближување на Европските искуства. Тоа позитивно ќе се оддрази и врз невработеноста во државава која во континуитет се намалува.

Работниците што ќе сакаат да го продолжат работниот век ќе мора да се изјаснат една година претходно, најкасно до 31 август.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.