Розберг убедливо прв, подвиг на Хамилтон во Хофенхајм (видео)

Во десеттата трка во Формула 1 шампионатот повторно победа на еден од возачите на Мерцедес. Нико Розберг кој оваа трка ја започна од првото место бидејќи вчера ја освои по-позицијата победи на крајот со повеќе од 20 секунди предност во однос на второпласираниот Валтери Ботас.
Најголем подвиг направи вториот возач на Мерцедес Англичанецот Луис Хамилтон кој го пополни третото место на подиумот. Хамилтон стартуваше дури од 20 позиција. Тој вчера го освои 16 место поради инцидентот кој го имаше со излетувањето од патеката. Сепак неговите механичари мораа во текот на ноќта да го сменат менувачот во неговиот болид што значеше автоматска казна од пет места наназад. Поради казната на Естебан Гутиерез од минатата трка, Хамилтон стартуваше од 20 место.
Со ипресивно возење во текот на сите 67 круга во Хофенхајм за големата награда на Германија успеа да се искачи на третото место и да освои нови 15 бодови. На четврото место се пласираше актелниот шампион возачот на Ред Бул Себастијан Фетел.
Нико Розберг немаше големи проблеми во текот на трката и без поголема конкуренција заработи нови 25 бода и сега во генералниот пласман води пред Хамилтон со 14 бода предност.

Трката ја одбелжа инцидентот на вториот возач на Вилијамс ветеранот Фелипе Маса кој стартуваше од четвртото место, уште во првата кривина се судри со Кевин Магнусен од Мекларен по што неговиот болид се изврте на кров. Тоа значеше и крај за него и нов пех бидејќи тој не ја заврши и претходната трка во Силверстоун.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.